احلي و اسهل و اسرع طريقة كفتة مشوية هتعمليها علي سفرة رمضان 🤍

احلي و اسهل و اسرع طريقة كفتة مشوية هتعمليها علي سفرة رمضان 🤍 صدقوني دي احلي كفتة مدلعة بالخلطة السرية هتعملوها في حياتكم مهما جربتو وصفات للكفتة.. و متسبيش المنشن التالت عازمك علي ساندوتشات الخطيرة دي😍 …. طريقة الكفتة : كيلو من اللحمة المفرومة ٨٠٪؜ لحم احمر و ٢٠٪؜ دهون نحط عليها ٢ بصلة مبشورة (البصلة بعد ما تتبشر نرش عليها رشة ملح ونستناها تنزل مايتها و ناخذ بس تفل البصل ) و ملعقة صغيرة ملح و نص ملعقة صغيرة فلفل اسود و ملعقة صغيرة باكنج باودر و ملعقة كبيرة بهارات كفتة و بس كدة نحط كله علي بعضه و ندخلها التلاجة تتشمع نص ساعه و بعد نخرجها نكورها او نصبعها و بعدين تدخلها التلاجة تاني نص ساعه و بعدين نسويها في طاسة سخنة جدااا.. … طريقة التسوية بقي ننزل بملعقة زيت زيتون علي ملعقة زيت عادي و بعد ما طاسة تسخن هنزل بالكفتة و مقلبهاش لحد ما تاخد لون و تمسك نفسها و بعدين اقلبها و بعدين انزل شوية بصل متقطع حلقات شوية فلفل حامي او رومي طماطم منقطعه زي السلطة بس مش كتير و اقلبهم كل شوية و اسيبهم يتشمعو مع بعض و بعدين انزل بمعلقة من "الخلطة السحرية" الهي : ٤ فلفل حامي ٤ فص ثوم نص حزمة بقدونس نص بصلة ملعقة خل كبيرة ملعقة ملح صغيرة نص ملعقةصغيزة من كمون و نص ملعقة صغيرة من كزبرة ناشفة و اضربهم كلهم مع بعض الخلطة دي بجد بجد خطيييييييييرة ❤️ …. و بس كدة تقلبهم مع بعض شوية و اختياري ننزل ملعقة كبيرة من ويرشستر صوص و ملعقة كبيرة من صويا صوص و بس كدة ❤️ … لازم بجد تجربوها هستني رايكم بجد فيها بحبكم اوي اوي اوي ❤️ قولولي بتحبو انهي كفتة اكتر ؟؟ ------------------------------------------------------------ #اكسبلور #cooking #dubai #food #explore #shortvideo #مي_ماهر #mai_maher #trending #foodie #طبخ #shorts ------------------------------------------------------------------------- الطبخ للجميع👌🏻 هعرفكم اد ايه الطبخ بجد حاجة سهلة جداااا محتاجة بس عدم اليأس و نجرب مرة و اتنين و عشرة وانتي نفسك هتتفأجي بالنتيجة انا مكنتش بعرف اطبخ نهائي ولا كنت بدخل مطبخ اصلا تابعوني و شوفو اد ايه الوصفات سهلة و جدا و نقدر نعمل كل حاجة في بيتنا واحنا واثقين في نظافتها و طعمها كمان تحفة 😍 تابعوني على ــــــــــــــــــــــــــــــــــــــــــــــــــــــــــــــــ صفحة فيسبوك | https://www.facebook.com/ElTabkhlelgamee3 حساب الانستجرام | https://www.instagram.com/maimaher7 حساب تيك توك | https://www.tiktok.com/@maimaherrr7